ff. 318v-323v
Colophon: Փառք անսկզբանն եւ անսկիզբն ... [319v] Եւ արդ աղաչեմ ամենայաղթ զարութիւն աստուծոյ, որ ետ կարողութիւն տկար եւ ցաւալից վտիտ ոգոյս, որ աւարտ եղեւ սուրբ Աւետարանս ի դառն եւ ի վշտաշատ ժամանակիս, որ եղեւ ի վերայ ամենայն Հայկազան սեռիս. մանավանդ Երրորդութիւն մի բնութիւն դաւանողաց, բազում նուազութիւն եւ գերութիւն եւ սպանումն եւ աերք եղեւ ի վերայ ազգիս միամիտ հաւատիս, զի հանգիստ եւ դադարումն ոչ գոյ ի մերում ժամանակիս։ Այլ եւ վերին ազդեցութեամբն եւ ողորմութեամբն աստուծոյ, որ միշտ շարժէ մար[320r]դկային բնութիւնս, որպէս որ եղեւ ի վերայ պատուական եւ մաքուր, գովելի եւ ընտրեալ ի դասուց հայրապետաց, գովեալդ եւ պատուեալդ յամենայն եկեղեցայց ո՞վ տէրն քաղցր եղանակիչ պարոնտէր Թովմայ եպիսկոպոսն։ Արդ աղաչեմ զսրբասէր քահանայսդ զկատարաւղ մեղսաքաւիչ սուրբ պատարագի եւ զրնթերցաւղ սուրբ աւետարանիս յիշեցէք ի սուրբ յաղաւթս ձեր զպարոնտէր Թովմայ եպիսկոպոսն եւ զեղբաւրորդին իւր զսարկաւագ Խաչատուրն եւ զծնաղքն նորա, որ ամենայաւժար սրտիւ եւ սիրով գրել ետուր զսուրբ աւետարանս ի հալալ վաստակոց իւրոց. յիշատակ իւր եւ ծնաւղացն եւ ամենայն ազգականացն ամէն: Ի թուականութեանս հայկազեանս տումարի ՌԽԶ, տանուտէր տարոյս կշիռն, Հոռի ամսոյն, ի Ա վերադիր տարոյն ԺԲ [320v] գիր տարոյն յինն։ Ի hայրապետութեան Մելքեսեդ կաթուղիկոսին։ Գրեցաւ սուրբ աւետարանս ձեռամբ Անանիա վարդապետին Շամբեցւոյ ի դուն սուրբ Ստեփաննոս Նախավկային եւ ի տիրամայր սուրբ Աստուածածնին եւ ի սուրբ Գէորգ Զաւրավարին եւ ամենայն սրբոցս, որ աստ կան հաւաքեալ։ Նաեւ ի սոցին սպասաւորացս, որ կան ի դուռս սուրբ մենարանիս. զտէր Մարտիրոս քաջ եւ արի րաբունապետն եւ վերծանող խորոց բանալի վարդապետն, զտէր Սարգիս եպիսկոպոսն, զտէր Շմաւոն եպիսկոպոսն, զտէր Յովսէփ եպիսկոպոսն, զտէր Սամուէլ եպիսկոպոսն, զտէր Խաչատուր եպիսկոպոսն, զտէր Յակովբ եպիսկոպոսն, զտէր Հայրապետ եպիսկոպոսն, վանից հայր եկեղեցապան, իմ հորեղբայր տէր Բարդուղիմէոսն, տէր Անդրէասն, անաւթապահ զտէր Թումէն, զտէր Յեսսային, տէր Ներսէսն, մեծ տէր Պետրոսն, տէր Մարտիրոսն. տէր [321r] Իգնատիոսն, փոքրն տէր Պետրոսն, տէր Պաւղոսն, տէր Ստեփաննոսն, տէր Աստուածատուրն, տէր Ըռըստակէսն, տէր Գորգն, փոքր Մարտիրոսն, եւ այլ ամենայն եղէն միաբանքս յիշեցէք ի բարի. Աստուած զձեզ յիշէ ամէն: Դարձեալ երես անկեալ աղաչեմ զձեզ յիշեցէք ի մաքրափայլ յաղաւթս ձեր զրպարոն Տէր Թովմայ եպիսկոպոսն եւ զհանգուցեալ հայրն իւր պարոն Սատրադինն եւ զմայրն իւր Շահբեկին եւ զեղբարքն իւր աւրհնեալ ի տեառնէ: Պարոն Ղութլիջանն, պարոն Միրզէն, պարոն Աղավելին, պարոն Ստեփաննոսն եւ զեղբաւրորդիքն իւր Սաւլթանվէլին, սարկաւագ Խաչիկն, սարկաւագ Ալահվերանն եւ զքուեքն իւր զՇամիրամն եւ Խանիբեկին. եւ զհարսներն իւր Գուլին Փաշայ Ջանն, Անախաթունն, Շիրին. եւ զհաւրեղբարն իմ զՅակոբն եւ հանգուց[321v]եալ որդիքն իւր զրՀայրապետն, Ամիր Վէլին, Թաւխտին, հաւրեղբաւր կողակիցն Արուսխին։ [...] Դարձեալ յիշեցէք ի բարին Աստապատայ միաբանքն. զտէր Զաքարիա, քաջ եւ արի բանիբուն րաբունապետ անձանձիր ուսուցանող վարդապետն, զտէր պարոնտէր Թումա [322r] եպիսկոպոսն, զտէր Վարդան եպիսկոպոսն, զտէր Յեսսայի եպիսկոպոսն, զտէր Մարտիրոս եպիսկոպոսն, զտէր Ղազար եպիսկոպոսն, զտէր Մարգարէն, զտէր Աւետիսն, զտէր Մկրտիչն, զտէր Յակոբն, զտէր Սարգիսն, զտէր Յովաննէսն, զտէր Գրիգորն, զտէր Բարսեղ երեցն, զտէր Հայրապետ երեցն, փոքր ժամարար տէր Յովանէսն, տէր Խաչիկն. Եւ աւրհնեալ եւ փառաւոր դաւլուաթաւորքն գեղին. պարոն Պռաւշն, պարոն Աղափիրին, պարոն Փիրիգուլն, պարոն խաւջա Կարապետն, Ջանիբէկն, Միրիջանն, Աղաբեկին. Ով սուրբ քահանայք եւ եւ իմաստունք, յորժամ ընթեռնուք զսուրբ Աւետարանս, յիշեցէք զամենեսեանն ի սուրբ աղաւթս ձեր եւ դուք յիշեալ լիջիք ի Հաւրէն եւ ի փառացն նորա արժանի լինիք ամէն. Հայր մեր, որ: Fol. 322v. Արդ ես ծառայ ամենեցւոյն, աղաչեմ զձեզ եւ հայցեմ ի ձէնջ. Խնդրեցէք ամենասուրբ Աստուածածնէն եւ ներող թագաւորէն, որ չնորհէ թողութիւն յանցաւոր մեղուցեալ Անանիա տրուպ անուն վարդապետին եւ իմ հաւրեղբայր տէր Բարդուղիմեոսին եւ իմ քուրոջ որդի տէր Յովանիսին եւ իմ հանգուցեալ հաւրն Ղութլի Բեկին. եւ իմ մաւրն Մըրուաթին եւ իմ եղբաւրն Խաչատուրին. եւ իմ քւերցն Ասախաթունին, Գլգունին եւ իմ փոխեցեալ առ Քրիստոս հաւրեղբարքն իմ զպարոն Սարիկն եւ պարոն Գրիգորն եւ որդիքն նոցա Աւղուլն, Միրումն, Առագելն, Մարգարէն, Սարգիսն, մյուս Առագելն, Կիրակոսն, եւ հարսներն մեր Մամախաթունն, Մրուաթն, Սութանն, Խաթունմէլիքն, Թրուանդէն, եւ իմ եղբաւրորդիքն Գրիգորն, Բայրամն, Դիարբէկն, եւ ամենայն մերձաւորքն իմ յիշեցէք ի բա[323r]րին Աստուած, զձեզ յիշէ։ Ամէն։ Յիշեցէք ի բարի մահդեսի Կիրակոսն, որ բազում աշխատեցաւ ի թուխթ կոկելն, ամենեքեանդ առ հասարակ ողորմի ասացէք եւ յիշեցէք ի նոյն ձայնիւն ժամահաւր Աղդիշէն եւ Սառա կոյսն, Աստուած զձեզ յիշէ ամէն։ Եղբարք, Մատթէոսէն մինչ ի «մի երկնչիր ի դուռն սուրբ Ստեփանոս Նախավկային», գրուաւ յայն տեղէն մինչ ի յաւարտն ի մայրաքաղաքն Ջուղայ, ի սուրբ Աստուածածնի դուռս, որ կոչի Վերին Կաթան, որ հանապազ զիւր ողորմութիւնն կաթեցուցանէ ամենայն վշտացելոց եւ տէր աստուածն ամենայնի արհնեսցէ զքահանայքն սուրբ եկեղեցոյս մեծ եւ փոքրն եւ դաւլուաթաւորքն ժամատանս զպարոն Խաչիկն եւ պարոն Նուրին եւ խոջա Արիջանն, որ բազում ճաշիւ եւ կերակրով ընդունեցին մեզ, փոխարէն անմահական սեղանոցն առցեն, ամէն։
Language(s): Armenian
References
Nersessian, Vrej. A Catalogue of the Armenian Manuscripts in the British Library Acquired since the Year 1913 and of Collections in Other Libraries in the United Kingdom. London: British Library, 2012; N32, pp. 230-240.
van Lint, Theo Maarten and Robin Meyer (eds.). Armenia: Masterpieces from an Enduring Culture. Oxford: Bodleian Library, 2015, no 3, p. 76.